Rä Covid-19, 'na rä hñëni ge mahyoni gä nsu hū

Ha mä hyodi hu ‘ne ha gath'o rä xihmai ge di thogi he nunä ‘ray’o hñëni ndünthi yä ngu gä ts’utui ‘ne yä y’othete xä adi gä nsu hu pa hin dä suki hu ha mä 'bai hu nunä hñëni.

Ha mä hyodi hu Hñunthe pa nubye nunä 9 mä pa, t’enä ge ja 20 ‘mo 537 yä jä’i ge petsi nunä hñëni, pa nunä pa bi nja 287 bi sudi rä hñëni, ha 29 yä jä’i bi dü, njabu bi maa rä ngu gä y’othete di xipäbi hu hñänfo Secretaria de Salud.

Ha nge rä nge’ä mä dä njot’i ndünthi yä xēni habu di ntini yä jä’i, pa ge’ä mahyoni gä nxuy’e hū xä hño, gä hüts'i hu yä nko’ma ne, hin gä nzengua hū de gä y’e ha hin gä poni hu de mä ngu hū ’bu hin mahyoni.